Respublika madaniyat muassasalari faoliyatini tashkil etish ilmiy-metodik markazi boshchiligida O'zbekiston respublikasi Fanlar akademiyasi,  O'zbek tili, adabiyoti va folklori instituti, Alisher Navoiy nomidagi Davlat adabiyot muzeyi, Respublika baxshichilik san'ati markazi, O'zbekiston Davlat san'at va madaniyat instituti va Yunus Rajabiy nomidagi O'zbek milliy musiqa san'ati instituti bilan hamkorlikda Fozil Yo'ldosh va Qodir baxshi Rahimov ijodiga bag'ishlangan yubeley kechasini nishonlash to'g'risida ilmiy – amaliy anjumani va baxshi kechaci bo'lib o'tdi. Konferensiyani o'tkazishdan asosiy maqsad xalqimiz madaniyatining hayotbaxsh sarchashmasi bo'lgan baxshichilik san'atini yanada rivojlantirish, merosini targ'ib etish hamda ilmiy va nazariy jihatdan tahlil etgan holda, doston va termalarni shogirdlari ijrosida tinglash hamda, “ustoz shogird” an'analarini mustahkamlash, o'zbek hamda boshqa xalqlarning dostonlarini ilmiy o'rganish, bu borada o'zaro ijodiy hamkorlik qilishdan iborat.