«Unutilmas ohanglar»

16 May, 2022 - 17:35

482

Axborot va matbuot xizmati

Sirdaryo viloyati musiqali drama teatrida yangi tashkil topgan estrada-simfonik orkestrining «Unutilmas ohanglar» deb nomlangan ilk konsert dasturi namoyish etildi. Teatr bosh rejissyori Nigora Gʻoyibnazarova va musiqa rahbari O‘zbekistonda xizmat ko‘rsatgan artist Rahim Hasanov tomonidan dasturning professionalligi, rejissurasi, ijrolarning mukammalligiga alohida e’tibor qaratildi. Dirijor Dilmurod Tojiboyevning sa’y harakatlari bilan jamlangan iqtidorli yosh sozandalar va xor jamoasidan tarkib topgan orkestr hamda teatr vokal artistlari jo‘rligida yangragan o‘zbek va dunyo klassik musiqiy asarlari tomoshabinlarning davomli olqishlari va e’tiroflariga sazovor bo‘ldi.