Davlatimiz rahbarining Qashqadaryo viloyatiga tashrifi doirasida hududdagi madaniyat sohasi vakillari bilan kengaytirilgan yig‘ilish o‘tkazdik. 

Unda joriy yilda qabul qilingan sohaga oid qarorlar ijrosini to‘laqonli ta’minlash, madaniyat kunlarini tashkil qilish, yangi o‘quv yili boshidan umumta’lim maktablarida milliy cholg‘ular bo‘yicha darslar tashkil etish mexanizmlarini ishlab chiqish yuzasidan zarur ko‘rsatma va topshiriqlar berdik. 

Shuningdek, kalendar rejalar tuzish, ommaviy tadbirlar tashkil etish hamda hokimiyat bilan hamkorlikni yangi bosqichga olib chiqish masalasini ham muhokama qildik. 

Yig‘ilish davomida qashqadaryolik soha vakillarini qiziqtirgan savollarga javob berib, sohaga oid takliflarini tingladik.

Yil yakunida muhokama qilingan masalalar va berilgan topshiriqlar ijrosi yuzasidan hisobot yig‘ilishi o‘tkazishni belgilab oldik. 

Ozodbek Nazarbekov

Madaniyat vaziri

Madaniyat.uz | Telegram | Facebook | Instagram