“O‘zbekkonsert” davlat muassasasi direktorining tegishli buyrug‘iga asosan, muassasaning Toshkent shahar bo‘limi boshlig‘i Nasriddinov Otabek Kamoliddinovich muassasaning Konsert-tomosha faoliyatini litsenziyalash bo‘limi boshlig‘i lavozimiga tayinlandi.

Konsert-tomosha faoliyatini tashkil etish va ijodkor yoshlar bilan ishlash bo‘limi boshlig‘i lavozimida ishlab kelgan Xudoyberdiyev O‘rol Abduhakimovich muassasaning Toshkent shahar bo‘limi boshlig‘i lavozimiga tayinlandi.

Shuningdek, Konsert-tomosha faoliyatini tashkil etish va ijodkor yoshlar bilan ishlash bo‘limi boshlig‘i lavozimiga Zufarov Murodjon Mirjalolovich tayinlandi. Bungacha u Toshkent shahar Yakkasaroy tumani hokimi o‘rinbosari lavozimida faoliyat yuritib kelgan.

Madaniyat vazirligi jamoasi mas’uliyatli lavozimlarga tayinlanganlarning kelgusi faoliyatida ulkan muvaffaqiyatlar tilaydi.