Madaniyat vazirining birinchi o‘rinbosari Bahodir Ahmedov Turkiyaning Anqara shahrida davom etayotgan TURKSOY xalqaro tashkilotining 30 yilligi yubileyi doirasida Tashkilot bosh kotibi Sulton Raev bilan uchrashdi. 

Muloqot davomida 2024 -yilda TURKSOY faoliyati doirasida rejalashtirilayotgan madaniy tadbirlar, 40-TURKSOY doimiy Kengashining yig‘ilishida muhokama qilingan qaror va takliflar muhokama qilindi. Xususan, Turkiy davlatlar ijodkor yoshlarini qo‘llab-quvvatlash, ularning o‘z iqtidori, ijodini namoyon etish uchun keng imkoniyatlar yaratish, shuningdek, yoshlarning o‘zaro tajriba va bilimlarini almashishlari uchun forumlar, konsert va madaniy tadbirlar tashkil etish kabi takliflar yuzasidan fikr- mulohazalar almashildi.

Sulton Raev Tashkilot o‘z davrida turkiy dunyosining  siyosiy, madaniy va ilm-fani rivojiga munosib hissa qo‘shgan ma'rifatparvar jadidlar ilmiy-badiiy merosini keng targ‘ib qilishga qaratilgan tashabbuslarni amaliyotga joriy etishda hamisha ko‘mak berishga tayyor ekanligini alohida ta'kidladi.