O‘zbekiston Respublikasi Madaniyat vazirligi va “A.Akbar” MCHJ o‘rtasida 2019-yilda 25 yil muddatga tuzilgan davlat-xususiy sheriklik bitimiga asosan Surxondaryo viloyati, Jarqo‘rg‘on tumani, “A.Navoiy” mahallasi hududida madaniyat markazi tashkil etilib, foydalanishga topshirildi.

Umumiy qiymati 3,7 mlrd so‘m bo‘lgan loyiha doirasida madaniyat markazi, to‘yxona, 4 ta madaniyat to‘garaklari faoliyati yo‘lga qo‘yilgan. Hozirgi kunda mazkur madaniyat markazida 22 nafar ishchi-xodimlar bandligi ta’minlangan.

Marosimda qatnashganlar markazda yaratilgan sharoitlar, undagi raqs, ashulachilik, rassomchilik kabi to‘garaklar faoliyati bilan tanishdi.

Mas’ullarga mavjud muammolarni batafsil o‘rganib chiqish va hal etish topshirig‘i berildi.