Bugun O‘zbekiston davlat san’at va madaniyat institutiga Ozarbayjon Respublikasining bir qator davlat tashkilotlari mutasaddilari, xususan, “Islohotchi yoshlar” ijtimoiy harakati hay’at a’zosi Ferid Shahbozli, Editor.az. portali bosh muharriri, Ozarbayjon yoshlar fondi faxriysi Ibrohim Mehdiyev, Ozarbayjon matbuot sho‘rosi idora hay’ati a’zosi Hojiboy Haydarli, "Yoshlarning ijtimoiy-iqtisodiy rivojlanishiga yordam" ijtimoiy birligi a'zosi, Azxeber.com portali rahbari Efseliddin Agalarov, “Tribuna” portali rahbari Elisher Ahad, Boku shahar ijro hokimiyati mas’ul vakili Mirposhsho Bayramovlar tashrif buyurdi.
Tashrif davomida delegatsiya a’zolari O‘zDSMIda faoliyat olib borayotgan Ozarbayjon madaniyat markazini, institut kinopavilyoni, o‘quv-studiosi va talabalarga yaratilgan sharoitlar bilan yaqindan tanishdi.
Binobarin, O‘zbekiston xalq artisti Erkin Komilovning dars mashg‘ulotlarida qatnashdi. Qolaversa, ikki tomonlama samarali ilmiy-tadqiqot aloqalari va talaba almashinuvini yo‘lga qo‘yish bo‘yicha ham turli kelishuvlarga erishildi.