O‘sib kelayotgan yosh avlod ongu shuuriga ezgulik va nafosat, kamolotga muhabbat tuyg‘ularini singdirishda o‘zbek milliy raqs san‘atining o‘rni beqiyos. Milliy raqslarda xalqimizning eng munavvar qadriyatlari, insoniy fazilatlari, milliy an‘analari ifodalanadi. Jumladan, Mukarrama Turg‘unboyeva nomidagi “Milliy raqs ijrochilari” Respublika ko‘rik tanlovining o‘tkazilishi ham buning ayni isboti.

Xususan, O‘zbekiston Respublikasi Prezidentining 2022 yil 2 fevraldagi PQ 112-son Qarori hamda O‘zbekiston Respublikasi Vazirlar Mahkamasining 2019 yil 20 martidagi 237-son Qarori ijrosini taʼminlash maqsadida joriy yilning 14-19 noyabr kunlari Mukarrama Turg‘unboyeva nomidagi “Milliy raqs ijrochilari” respublika ko‘rik-tanlovining Qoraqalpog‘iston Respublikasi, viloyatlar hamda Toshkent shahar saralash bosqichlari yuqori saviyada o‘tkazildi.

Mazkur bosqichda 217 nafar isteʼdodli yosh raqqosalar ishtirok etib, ularning 40 nafari Respublika bosqichiga yo‘llanmani qo‘lga kiritishdi.

Shaffoflikni ta’minlash maqsadida hakamlar hay’ati tarkibida Toshkent shahhridan hududlarga xizmat safariga yuborilgan malakali-ustoz va murabbiylar ishtirok etdi.

Ta’kidlash joizki, tanlovning Respublika bosqichi joriy yilning 13-dekabr kuni Turkiston san’at saroyida o‘tkazilishi ko‘zda tutilgan. G‘oliblarni taqdirlash marosimi esa 14-dekabr kuni bo‘lib o‘tadi.