TURKSOY xalqaro tashkilotiga a'zo davlatlar Madaniyat vazirlarining 39-yig‘ilishida ishtirok etdik. 
Unda umumiy til va mushtarak qadriyatlar birligi asosida shakllangan tashkilot tomonidan o‘tkazilgan tadbirlar doirasida madaniy-gumanitar sohalardagi hamkorlik jadal rivojlanayotgani alohida ta'kidlandi. 
Yig‘ilish qatnashchilariga turkiy davlatlar tashkilotlarining "Turk dunyosining madaniy poytaxti"," Turkiy dunyo turizmi" va "Tabarruk ziyorat" sayyohlik loyihalarini amalga oshirish, hunarmandchilik ko‘rgazmalari va turli festivallarni o‘tkazish, shuningdek, nomoddiy madaniy merosni saqlash, uni kelajak avlodga asl holicha yetkazish kabi yo‘nalishlarni qamrab olgan chora- tadbirlar rejasini birgalikda ishlab chiqish taklifini kiritdik. 
Ishonchimiz komilki, bugungi uchrashuv natijalari Turkiy tilli davlatlar o‘rtasidagi samarali hamkorlikning yangi istiqbollarini belgilab beradi. 

Ozodbek Nazarbekov
Madaniyat vaziri