Madaniyat vazirligida O‘zbekiston Respublikasi madaniyat vaziri o‘rinbosari Murodjon Madjidov va Xitoy Xalq Respublikasi madaniyat va turizm vaziri o‘rinbosari Li Tsyun o'rtasida uchrashuv bo‘lib o‘tdi. 

Muloqotda ikki davlat rahbarlarining birgalikdagi sa'y-harakatlari bilan mamlakatlarimiz o‘rtasidagi ko‘p qirrali hamkorlik munosabatlari yuksak darajaga ko‘tarilgani alohida ta'kidlandi. 

Li Tsyun, ayniqsa, madaniy-gumanitar aloqalar ijchil rivojlanib borayotganini mamnuniyat bilan qayd etdi. 

Shuningdek, uchrashuvda 2024-yilda Pekin shahrida "O‘zbekiston madaniyati kunlari"ni, o‘z navbatida, 2024-yilda Toshkent shahrida "Xitoy madaniyati kunlari"ni o'tkazish, ikki tomonlama madaniy tadbirlarda o'zaro ishtirokni ta'minlash masalalari muhokama qilindi.Uchrashuv samimiy va do‘stona ruhda kechdi.