Turizm, mehmonxona sohalarida faoliyat yuritayotgan o‘qituvchilar uchun O‘zbekiston mehmonxonalar assotsiatsiyasi huzuridagi “Mehmondo‘stlik va servis maktabi” nodavlat ta’lim muassasasida 36 soatlik malaka oshirish kurslari tashkil etildi.

Mehmonxonalar assotsiatsiyasi va Germaniyaning Bildungswerk der Sachsischen Wirtschaft gGmbH (BSW) tashkiloti o‘rtasidagi hamkorlik shartnomasiga asosan O‘zbekiston mehmonxonalar assotsiatsiyasi huzurida “Mehmondo‘stlik va servis maktabi” nodavlat ta’lim muassasasi tashkil etilgan hamda ushbu loyiha doirasida O‘zbekiston va xorijiy davlatlarning yetakchi ekspertlarini jalb qilgan holda o‘quv kurslari o‘tkazib kelinmoqda.

Malaka oshirish kurslari yakunida ishtirokchilarga maxsus sertifikatlar topshirildi.