Joriy yilning 26-27-may kunlari Madaniyat va turizm vazirligi mas’ul xodimlaridan iborat guruh Qashqadaryo viloyatining Kitob tumanidagi 10- va 22-son, Shahrisabz tumanidagi 2-son bolalar musiqa va san’at maktabi hamda Qarshi ixtisoslashtirilgan san’at maktabida bo‘lib, o‘quv jarayonlari, u yerda yaratilgan shart-sharoitlar bilan tanishdi.

Shuningdek, maktab va professional ta’limda olib borilayotgan ishlar, yangi pedagogik va innovatsion texnologiyalar asosida tashkil qilingan darslar bilan tanishdilar.

Shu bilan birga o‘quv yili yakuni bo‘yicha tashkil etilgan hisobot konsertlarida ishtirok etdilar.

Tashrif doirasida respublika professional ta’lim muassasalari rahbarlari ishtirokida o‘quv seminari tashkil etildi.