Yunus Rajabiy nomidagi O‘zbek milliy musiqa san'ati instituti Katta zalida "Maqom cholg‘u ijrochiligi" kafedrasi bitiruvchi magistrantlarining "Sozlar sadosi" nomli turkumli hisobot konsertlari namoyish etilmoqda.

Ushbu hisobot konsertlarining bugun 8-kuni bo’lib o’tdi. Unda Sarvar Alimov Segoh maqomining Mushkilot hamda Nasr bo’limlarini ijro etdi. Konsertda sohaning taniqli mutaxassislari, OAV xodimlari, institutimiz professor-o‘qituvchilari va talaba-yoshlari ishtirok etdi.

Konsert so‘ngida S.Alimov ustozi, O‘zMMSI professori Abduhoshim Ismoilovga hurmat ramzi, minnatdorchilik belgisi sifatida zarchopon taqdim etdi. Bundan tashqari, Segoh maqomi xususidagi savollardan tashkil topgan viktorina talaba-yoshlar o‘rtasida katta qiziqish bilan kutib olindi.

Eslatib o‘tamiz, hisobot konsertlari 2023-yilning 27-martidan 6-apreliga qadar soat 14.00 da Yunus Rajabiy nomidagi O‘zbek milliy musiqa san'ati instituti katta zali bo‘lib o‘tadi